អ្នកប្រដាល់ជើងខ្លាំង រឿង សោភ័ណ្ឌ និងកីឡាករមិនដែលចាញ់សោះ បាង កាយ៉ាក នឹងត្រូវបង្ហាញមុខរួមគ្នា ក្នុងការប្រកួតអន្តរជាតិ នៅលើសង្វៀនប៉ុស្តិ៍លេខ ៣ នាល្ងាចថ្ងៃអាទិត្យ ដោយក្នុងនោះ សោភ័ណ្ឌ ដែលកំពុងឃ្លាតឆ្ងាយពីការហ្វឹកហាត់ ត្រូវប៉ះជនជាតិប៉ូឡូញ Piotr Lagodzki ខណៈកាយ៉ាក ត្រូវប្រឈមជាមួយកីឡាករថៃ Banjong Prombut។
វត្តមានរបស់ជនជាតិប៉ូឡូញ នៅកម្ពុជា ជាលើកទី ១ នេះ បានធ្វើឲ្យអ្នកទស្សនា ចាប់អារម្មណ៍យ៉ាងខ្លាំង ព្រោះគ្រប់គ្នាពិតជាចង់ដឹងថា Piotr Lagodzki ដែលផ្ញើខ្លួនហ្វឹកហាត់នៅថៃម្នាក់នេះអាចទប់ រឿង សោភ័ណ្ឌ បានប៉ុន្មានទឹក? ព្រោះកីឡាករបរទេសច្រើននាក់មកហើយដែលបានសន្លប់ និងបោះបង់ចោលការប្រកួតក្រោមស្នាដៃ រឿង សោភ័ណ្ឌ។
លោក ទី រ៉ាណាត នាយកផ្នែកផលិតកម្មវិធីប៉ុស្តិ៍លេខ ៣ បានប្រាប់កាលពីម្សិលមិញថា៖ «យើងមិនអាចព្យាករទុកមុនបានទេ ព្រោះនេះជាលើកទី ១ ដែលជន ជាតិប៉ូឡូញមកប្រកួតនៅសង្វៀននេះ ហើយយើងក៏មិនទាន់ដឹងដែរថា គេមានសមត្ថភាពប្រកួតដល់កម្រិតណានោះដែរ ប៉ុន្តែខ្ញុំបានប្រាប់អ្នកនាំកីឡាករបរទេសមកប្រកួតហើយថា ត្រូវយកបរទេសដែលមានសមត្ថភាពប្រកួតពិតៗមកប្រកួតព្រោះនៅប៉ុស្តិ៍លេខ ៣ បានយកកីឡាករខ្មែរ សុទ្ធតែមានសមត្ថភាពប្រកួតខ្លាំង ដើម្បីឲ្យឡើងប្រកួតជាមួយកីឡាករបរទេស»។
កីឡាករ Piotr Lagodzki មានកម្ពស់ ១,៧៥ ម៉ែត្រ ធ្លាប់ប្រកួត ៣១ ដង ឈ្នះ ២៤ ចាញ់ ៥ ស្មើ ២ និងធ្លាប់វាយគូប្រកួតឲ្យសន្លប់ ១១ ដង ហើយ Piotr Lagodzki គឺតិចជាង សោភ័ណ្ឌ ច្រើនណាស់ ហេតុនេះគេពិបាកទប់ទល់ជាមួយ សោភ័ណ្ឌ ណាស់ ព្រោះ សោភ័ណ្ឌ ជាកីឡាករជើងខ្លាំងដែលមានស្នៀតសម្លាប់ដ៏សម្បូរបែប ខណៈការប្រកួតចុងក្រោយរបស់គេ កាលពីថ្ងៃអាទិត្យ ទី ១ ខែមីនា គេបានម៉ាត់កីឡាករថៃ Nonthachai ឲ្យសន្លប់ក្នុងទឹកទី ២។
ទោះបីជាយ៉ាងណា លោក ឈិន ក្វាន់ចៃ គ្រូបង្វឹក រឿង សោភ័ណ្ឌ បានប្រាប់កាលពីម្សិលមិញថា៖ «តាំងពីប្រកួតចុងក្រោយនៅបាយ័នបឹងស្នោមក រឿង សោភ័ណ្ឌ មិនដែលមកហ្វឹកហាត់នៅក្លិបតាមការហៅរបស់ខ្ញុំនោះទេ គឺវាកំពុងតែធ្វើឲ្យភាពល្បីល្បាញរបស់វាត្រូវធ្លាក់ចុះ ហេតុនេះខ្ញុំក៏ពិបាកវាយតម្លៃទុកមុនដែរចំពោះការប្រកួតលើកនេះ»។
លោកបញ្ជាក់ថា៖ «វា (សោភ័ណ្ឌ) គិតថា មិនបាច់ហាត់ក៏វាយឈ្នះគេដែរ ព្រោះការប្រកួតកន្លងមក វាបានផ្តួលគេឲ្យសន្លប់ ប៉ុន្តែនៅពេលដែលជួបអ្នកខ្លាំងពិត ឬត្រឹមកីឡាករល្អលំដាប់លេខ ៣ របស់ថៃនោះ វានឹងដឹងខ្លួនថា សមត្ថភាពប្រកួតរបស់វានៅអន់ដល់កម្រិតណា។ មេៗខំជួយជ្រោមជ្រែងឲ្យវាឲ្យបានល្បី តែវាបែរជាលែងគោរពវិន័យក្នុងការហ្វឹកហាត់ទៅវិញ ហេតុនេះបញ្ហារបស់ រឿង សោភ័ណ្ឌ នេះទុកឲ្យខាងមេៗជាអ្នកដោះស្រាយទៅ»។
ដោយឡែកគូប្រកួតរបស់ បាង កាយ៉ាក គឺកីឡាករថៃ Banjong Prombut មានកម្ពស់ ១,៦៨ ម៉ែត្រ និងធ្លាប់ប្រកួតបានចំនួន ៧០ ដង ឈ្នះ ៥០ ចាញ់ ១៨ និងស្មើ ២ ដង ហើយបទពិសោធនៃការប្រកួតនេះគឺអាចទប់ទល់ជាមួយជើងខ្លាំងមិនដែលស្គាល់រសជាតិចាញ់ បាង កាយ៉ាក ប៉ុន្តែលទ្ធផលចាញ់ឈ្នះក្នុងការប្រកួតគូទម្ងន់ ៥៧ គីឡូក្រាមនេះ អាចនឹងបញ្ចប់ក្រោមការប្រកួតដ៏តានតឹង គឺទាំងអ្នកឈ្នះ និងអ្នកចាញ់ អាចនឹងទ្រមខ្លួនដូចគ្នា៕
កីឡាករ រឿង សោភ័ណ្ឌ (ពីឆ្វេង) ត្រូវជួបជនជាតិប៉ូឡូញ ខណៈ បាង កាយ៉ាក ត្រូវប៉ះថៃ
វត្តមានរបស់ជនជាតិប៉ូឡូញ នៅកម្ពុជា ជាលើកទី ១ នេះ បានធ្វើឲ្យអ្នកទស្សនា ចាប់អារម្មណ៍យ៉ាងខ្លាំង ព្រោះគ្រប់គ្នាពិតជាចង់ដឹងថា Piotr Lagodzki ដែលផ្ញើខ្លួនហ្វឹកហាត់នៅថៃម្នាក់នេះអាចទប់ រឿង សោភ័ណ្ឌ បានប៉ុន្មានទឹក? ព្រោះកីឡាករបរទេសច្រើននាក់មកហើយដែលបានសន្លប់ និងបោះបង់ចោលការប្រកួតក្រោមស្នាដៃ រឿង សោភ័ណ្ឌ។
លោក ទី រ៉ាណាត នាយកផ្នែកផលិតកម្មវិធីប៉ុស្តិ៍លេខ ៣ បានប្រាប់កាលពីម្សិលមិញថា៖ «យើងមិនអាចព្យាករទុកមុនបានទេ ព្រោះនេះជាលើកទី ១ ដែលជន ជាតិប៉ូឡូញមកប្រកួតនៅសង្វៀននេះ ហើយយើងក៏មិនទាន់ដឹងដែរថា គេមានសមត្ថភាពប្រកួតដល់កម្រិតណានោះដែរ ប៉ុន្តែខ្ញុំបានប្រាប់អ្នកនាំកីឡាករបរទេសមកប្រកួតហើយថា ត្រូវយកបរទេសដែលមានសមត្ថភាពប្រកួតពិតៗមកប្រកួតព្រោះនៅប៉ុស្តិ៍លេខ ៣ បានយកកីឡាករខ្មែរ សុទ្ធតែមានសមត្ថភាពប្រកួតខ្លាំង ដើម្បីឲ្យឡើងប្រកួតជាមួយកីឡាករបរទេស»។
កីឡាករ Piotr Lagodzki មានកម្ពស់ ១,៧៥ ម៉ែត្រ ធ្លាប់ប្រកួត ៣១ ដង ឈ្នះ ២៤ ចាញ់ ៥ ស្មើ ២ និងធ្លាប់វាយគូប្រកួតឲ្យសន្លប់ ១១ ដង ហើយ Piotr Lagodzki គឺតិចជាង សោភ័ណ្ឌ ច្រើនណាស់ ហេតុនេះគេពិបាកទប់ទល់ជាមួយ សោភ័ណ្ឌ ណាស់ ព្រោះ សោភ័ណ្ឌ ជាកីឡាករជើងខ្លាំងដែលមានស្នៀតសម្លាប់ដ៏សម្បូរបែប ខណៈការប្រកួតចុងក្រោយរបស់គេ កាលពីថ្ងៃអាទិត្យ ទី ១ ខែមីនា គេបានម៉ាត់កីឡាករថៃ Nonthachai ឲ្យសន្លប់ក្នុងទឹកទី ២។
ទោះបីជាយ៉ាងណា លោក ឈិន ក្វាន់ចៃ គ្រូបង្វឹក រឿង សោភ័ណ្ឌ បានប្រាប់កាលពីម្សិលមិញថា៖ «តាំងពីប្រកួតចុងក្រោយនៅបាយ័នបឹងស្នោមក រឿង សោភ័ណ្ឌ មិនដែលមកហ្វឹកហាត់នៅក្លិបតាមការហៅរបស់ខ្ញុំនោះទេ គឺវាកំពុងតែធ្វើឲ្យភាពល្បីល្បាញរបស់វាត្រូវធ្លាក់ចុះ ហេតុនេះខ្ញុំក៏ពិបាកវាយតម្លៃទុកមុនដែរចំពោះការប្រកួតលើកនេះ»។
លោកបញ្ជាក់ថា៖ «វា (សោភ័ណ្ឌ) គិតថា មិនបាច់ហាត់ក៏វាយឈ្នះគេដែរ ព្រោះការប្រកួតកន្លងមក វាបានផ្តួលគេឲ្យសន្លប់ ប៉ុន្តែនៅពេលដែលជួបអ្នកខ្លាំងពិត ឬត្រឹមកីឡាករល្អលំដាប់លេខ ៣ របស់ថៃនោះ វានឹងដឹងខ្លួនថា សមត្ថភាពប្រកួតរបស់វានៅអន់ដល់កម្រិតណា។ មេៗខំជួយជ្រោមជ្រែងឲ្យវាឲ្យបានល្បី តែវាបែរជាលែងគោរពវិន័យក្នុងការហ្វឹកហាត់ទៅវិញ ហេតុនេះបញ្ហារបស់ រឿង សោភ័ណ្ឌ នេះទុកឲ្យខាងមេៗជាអ្នកដោះស្រាយទៅ»។
ដោយឡែកគូប្រកួតរបស់ បាង កាយ៉ាក គឺកីឡាករថៃ Banjong Prombut មានកម្ពស់ ១,៦៨ ម៉ែត្រ និងធ្លាប់ប្រកួតបានចំនួន ៧០ ដង ឈ្នះ ៥០ ចាញ់ ១៨ និងស្មើ ២ ដង ហើយបទពិសោធនៃការប្រកួតនេះគឺអាចទប់ទល់ជាមួយជើងខ្លាំងមិនដែលស្គាល់រសជាតិចាញ់ បាង កាយ៉ាក ប៉ុន្តែលទ្ធផលចាញ់ឈ្នះក្នុងការប្រកួតគូទម្ងន់ ៥៧ គីឡូក្រាមនេះ អាចនឹងបញ្ចប់ក្រោមការប្រកួតដ៏តានតឹង គឺទាំងអ្នកឈ្នះ និងអ្នកចាញ់ អាចនឹងទ្រមខ្លួនដូចគ្នា៕
Post a Comment