អ្នកចាត់ការលោក Louis van Gaal បានលើកឡើងថា ក្រុមបិសាចក្រហម Manchester United គឺជាក្រុមល្អបំផុតនៅក្នុងក្របខ័ណ្ឌ Barclays Premier League។
លោក Van Gaal បានចាយលុយយ៉ាងច្រើន ១៥៧លានផោន (ជិត២៤២លានដុល្លារ) កាលពីដើមរដូវកាល ក្នុងការទិញចូលកីឡាករថ្មី ប៉ុន្តែក្រុម Man Utd ពុំទាន់បង្ហាញពីទម្រង់លេងល្អនៅឡើយទេ ខណៈដែលកាលពីថ្ងៃចន្ទ ពួកគេប្រកួតជាមួយក្រុម Preston ដែលនៅក្នុងក្របខ័ណ្ឌ League One ឈ្នះទាំងត្រដាបត្រដួស ក្នុងការប្រកួត FA Cup។
ទោះយ៉ាងណា អ្នកចាត់ការសញ្ជាតិហុល្លង់រូបនេះ ជឿថាកីឡាកររបស់លោក ចាប់ផ្ដើមយល់ពីចិត្តសាស្ត្រ និងយុទ្ធសាស្ត្ររបស់លោកហើយ។
បុរសវ័យ៦៣ឆ្នាំរូបនេះ បាននិយាយថា៖ “ដូចដែលអ្នកបានដឹង បើអ្នកមើលទៅលើពិន្ទុទៅលើការប្រកួត ១៩/២០ ប្រកួតចុងក្រោយ យើងគឺជាក្រុមល្អបំផុតនៅក្នុងលីក។ ឥឡូវខ្ញុំជឿថា កីឡាករទាំងអស់ បានយល់ពីយុទ្ធសាស្ត្ររបស់ខ្ញុំ និងបុគ្គលិករបស់ខ្ញុំហើយ”។
ក្រុមបិសាចក្រហម នឹងត្រូវធ្វើដំណើរទៅកាន់កីឡដ្ឋាន Liberty Stadium ដើម្បីប្រកួតជាមួយក្រុម Swansea City ក្នុងក្របខ័ណ្ឌ Premier League សប្ដាហ៍ទី២៦ នៅវេលាម៉ោង១០:០០នាទីយប់ថ្ងៃសៅរ៍នេះ។
តើប្រិយមិត្ត យល់ស្របតាមការលើកឡើងរបស់លោក Van Gaal ខាងលើនេះដែរ ឬទេ?
Post a Comment