លោក Louis van Gaal បានឱ្យដំបូន្មានទៅកូនក្រុមរបស់ខ្លួនថាកុំអាលសប្បាយចិត្តអីថារដូវកាលក្រោយអាចបានលេងនៅ UEFA Champions League ព្រោះក្រុមមានរឿងជាច្រើនទៀតត្រូវធ្វើរដូវកាលនេះ។
លោក Van Gaal បាននិយាយពីគោលបំណង និងព្រមានទៅដល់កូនក្រុមរបស់ខ្លួនថា៖ “ការដែលអាចឈ្នះ Leicester ៣-១ នេះ គឺមិនមែនមានន័យថាយើងអាចទៅលេងនៅ Champions League បានដោយស្រួលនោះទេ។ យើងនៅមានប្រកួតច្រើនទៀត ជាពិសេសគឺប៉ះ Liverpool និង Chelsea តែម្ដង។ គិតត្រឹម២៣ប្រកួតនេះ យើងអាចឈរនៅចំណាត់ថ្នាក់លេខ៣មែន ប៉ុន្តែមិនឈ្នះពិន្ទុក្រុមផ្សេងច្រើននោះទេ។ ដូច្នេះយើងត្រូវតែពង្រឹងក្រុមបន្ថែមទៀតទើបអាចរក្សាចំណាត់ថ្នាក់នៅ Top 4 បាន”។
អតីតអ្នកចាត់ការក្រុម Barcelona , Bayern Munich និង Ajax រូបនេះធ្លាប់បានសន្យាជាមួយអ្នកគាំទ្របិសាចក្រហមហើយថានឹងដឹកនាំក្រុមនេះឱ្យបានទៅលេងនៅ UEFA Champions League ឡើងវិញនៅរដូវកាលក្រោយនេះ។ ចាំមើលចប់រដូវកាលនេះ ថាតើកាសន្យារបស់អតីតគ្រូបង្វឹកក្រុមជម្រើសជាតិហុល្លង់ អាចធ្វើបានឬមិនបាន?
Post a Comment