"ហង្សក្រហម" Liverpool រកបានបីពិន្ទុធ្វើតាមគោលដៅបានសម្រេច ក្រោយពីបានផ្តួលរំលំម្ចាស់ផ្ទះ Southamton ក្នុងលទ្ធផល 2-0 នៅក្នុងក្របខ័ណ្ឌ Premier League កាលពីថ្ងៃអាទិត្យទី 22 ខែកុម្ភៈកន្លងមកកាន់តែបង្កើនក្តីសង្ឃឹមកាន់តែខ្លាំងដើម្បីប្រជែងយកលំដាប់ទៅទាត់ពានរង្វាន់ Euro ឆ្នាំក្រោយ។
ការប្រកួតនេះគ្រាន់តែចាប់ផ្តើមម្ចាស់ផ្ទះ Southamton បានវ៉ៃសម្រុកភ្លាម Filip Djuricic បានអូសបាល់ទៅតំបន់គ្រោះថ្នាក់ខាងស្តាំហើយត្រូវ Emre Can ប្រើដៃទាញស្មាតិចៗ មុននឹងដួលម្ចាស់ខ្លួនប្រឹងទៀមទឿសុំបាល់ពិន័យប៉ុន្តែអាជ្ញាកណ្តាលមិនបាននិយាយអ្វីនោះទេ។
3 នាទីពីក្រុមហង្សក្រហម Liverpool នាំមុខ 1-0 ជាឱកាសលើកដំបូង Lazar Markovic បានបញ្ជូនបាល់រាបពីឆ្វេងចូលទៅកណ្តាលអោយ Philippe Coutinho បានចាប់បាល់ហើយទាញមកស្តាំរួចស៊ុតក្នុងចម្ងាយ 30 ម៉ែត្រ ផុតដៃ លោក Forster ចូលជ្រុង 90 ខាងឆ្វេងយ៉ាងស្អាតឥតខ្ចោះ។ លេងរហូត 45 នាទីក្រុមទាំងពីរ មិនអាចធ្វើអ្វីគ្នាទៀតបាន ចប់តង់ទីមួយលទ្ធផល Southamton 0-1 Liverpool.
ចូលមកតង់ទីពីរនាទី 73 ក្រុមភ្ញៀវបាននាំមុខមួយទៀត នៅចង្វាក់ Nathaniel Clyneលេងបាល់ខ្លីផ្លាតក្នុងតំបន់ខ្លួន ហើយលោក Alberto Morenoក៌បានបញ្ជូន បាល់ទៅអោយខ្សែបម្រើ Raheem Sterling ធ្លុះទោដល់តំបន់គ្រោះថ្នាក់ខាងឆ្វេងហើបញ្ជូនបាល់បន្តទៅកណ្តាល Matt Targett ស្កាត់បាល់មិនបានល្អ បាល់មកត្រូវ Sterling ចាប់មួយចង្វាក់ហើយស៊ុតចម្ងាយ15 ម៉ែត្រឱ្យក្រុមហង្សក្រហម Liverpool 2-0 ។
ចប់តង់ទីពីរលទ្ធផលនៅដដែល Southamton 0 - 2 Liverpool
Post a Comment