ក្រោយពីបានខ្ជះខ្ជាយឱកាសជាច្រើនក្នុងតង់ទី១ Real Madrid បានរកគ្រាប់បាល់បើកឆាកនៅពេលដែលខ្សែប្រយុទ្ធ Karim Benzema ស៊ុតបាល់បំប៉ោងសំណាញ់ទីក្នុងនាទី ទី១១នៅតង់ទី២។
បន្ទាប់មក ខ្សែប្រយុទ្ធ Cristiano Ronaldo បានបំពេញការរកបាន៣ពិន្ទុពេញនៅពេលដែលរូបគេបានតែតបាល់បញ្ចូលទីយ៉ាងល្អពីការបញ្ជូនបាល់ឆ្លងរបស់ខ្សែបម្រើ Isco ក្នុងរយៈពេល២១នាទីចុងក្រោយ។ ក្រោយពីការទទួលបាននូវការជឿជាក់ទៅលើការបរាជ័យដ៏មិននឹកស្មានដល់ក្នុងលទ្ធផល ១-០ របស់ក្រុម Barcelona ក្រោមស្នាដៃក្រុម Malaga កាលពីថ្ងៃសៅរ៍ ក្រុម Real Madrid បានចាប់ផ្តើមយ៉ាងល្អ ហើយស្ទើរតែរកបានគ្រាប់បាល់នាំមុខក្នុងតង់ទី១ទៅហើយ។
ការស៊ុតបាល់បញ្ចូលទីរបស់ខ្សែបម្រើស្លាប Gareth Bale ត្រូវបានកាត់សេចក្តីថា ជាបាល់ស្ថិតក្រៅទីតាំងល្បែង ឬបាល់ offside នៅមុនពេល Ronaldo បានបាល់ស៊ុតបាល់ពីចម្ងាយសម្តៅទី ខណៈដែលបាល់បោះហោះរំលងរបារទីបន្តិច។ បន្ទាប់មក កីឡាករឆ្នើមប្រចាំឆ្នាំរបស់ពិភពលោករូបនេះ បានទទួលឱកាសយ៉ាងល្អមួយ ប៉ុន្តែ រូបគេបានស៊ុតបាល់ខុសទីក្រោយពីទទួលបានការបញ្ជូនយ៉ាងល្អរបស់ Bale។ នៅមុននេះបន្តិច ក្រុម Real Sociedad របស់លោក David Moyes បានស៊ុតបាល់បញ្ចូលទី២គ្រាប់ក្នុងចន្លោះពេល១០នាទីដើម្បីវាយបកចេញពីក្រោយ និងដើម្បីទទួលជ័យជម្នះដ៏រំភើបក្នុងលទ្ធផល ៤-៣ លើក្រុម Sevilla នៅកីឡដ្ឋាន Anoeta៕
Post a Comment