អ្នកគាំទ្រក្រុមហង្សក្រហម Liverpool ទំនងជាភ័យបុកពោះមិនស្ទើរទេកាលពីយប់មិញ ទម្រាំក្រុមនេះវាយបកយកឈ្នះចុងម៉ោងទៅលើក្រុម Bolton ដោយលទ្ធផល ២-១ នៅកីឡដ្ឋាន Reebok ក្នុងការប្រកួត FA Cup ជុំទី៤ លើកទី២ ដើម្បីឡើងទៅជុំទី៥។
ការប្រកួតតង់ទី១ ក្រុមទាំង២មានឱកាសច្រើនដូចគ្នា ខណៈដែលក្រុមភ្ញៀវព្យាយាមដាក់សម្ពាធយ៉ាងខ្លាំងទៅលើក្រុមម្ចាស់ផ្ទះ។ ទោះយ៉ាងណា គ្មានក្រុមណាមួយ អាចទម្លុះសំណាញ់ទីគ្នាទេ។
នៅតង់ទី២ នាទី៥៩ កីឡាករខ្សែការពារ Martin Skrtel បានធ្វើឲ្យមានកំហុសឆ្គងនៅក្នុងប្រអប់គ្រោះថ្នាក់ទៅលើកីឡាករ Zach Clough របស់ Bolton ហើយលោកអាជ្ញាកណ្ដាលក៏ឲ្យបាល់ពិន័យប៉េណាល់ទី ធ្វើឲ្យខ្សែប្រយុទ្ធ Eidur Gudjohnsen ស៊ុតឲ្យក្រុមម្ចាស់ផ្ទះនាំមុខបណ្ដោះអាសន្ន។
ខ្សែប្រយុទ្ធ Raheem Sterling បានស៊ុតឲ្យក្រុមម្ចាស់ផ្ទះស្ងាត់មាត់វិញ នៅនាទី៨៦ ខណៈដែលខ្សែបម្រើឆ្នើម Philippe Coutinho បន្ថែម១គ្រាប់ទៀតនៅចុងតង់ ពោលគឺនាទី៩០+ ធ្វើឲ្យចប់ការប្រកួត Liverpool ឈ្នះ Bolton ដោយលទ្ធផល ២-១។
ដូច្នេះ Liverpool នឹងត្រូវធ្វើដំណើរទៅផ្ទះក្រុម Crystal Palace ជាបន្តទៀត ក្នុងការប្រកួត FA Cup ជុំទី៥ នាថ្ងៃសៅរ៍ទី១៤ ខែកុម្ភៈខាងមុខនេះ៕
ក្រុមដែលត្រូវប៉ះគ្នានាជុំទី៥
Post a Comment