Karim Bellarabi ខ្សែរបម្រើក្រុមជម្រើសជាតិអាល្លឺម៉ង់ បានយល់ព្រមចុះហត្ថលេខាកិច្ចសន្យាថ្មីជាមួយ Leverkusen រហូតដល់ឆ្នាំ 2020 ហើយ បន្ទាប់ពីរដូវកាលនេះគាត់បានបញ្ចេញទំរង់លេងដ៏អស្ចារ្យ ហើយក៍ជាតម្រូវការចេះទទួលខុសត្រូវជូនគ្រូបង្វឹកលោក Roger Schmidt ផងដែរ។
ក្រុម Bayer Leverkusen ជាក្លឹបដ៏ល្បីល្បាញក្នុងក្របខ័ណ្ឌ Bundesliga អាល្លឺម៉ង់បានអះអាងបន្តកិច្ចសន្យាជាមួយនឹងខ្សែបម្រើស្លាប Karim Bellarabi 3 ឆ្នាំទៀតឬរហូតដល់ឆ្នាំ 2020 រួចទៅហើយ នៅថ្ងៃសុក្រទី 20 ខែកុម្ភៈកន្លងមកនេះ។បន្ទាប់ពីគាត់លេងបានល្អឥតខ្ចោះតាំងពីផ្ទេរមកលេងក្នុងទឹកដី Bay Arena ក្នុងឆ្នាំ 2011 ។
ខ្សែបម្រើ 24 ឆ្នាំរូបនេះដែលបានលេងឱ្យក្លឹប Eintracht Braunschweig ខ្ចីជើងកាលពីរដូវកាលមុន។ ពេលវិលត្រឡប់មកវិញគាត់បានបញ្ចញទម្រង់លេងដ៏អស្ចារ្យឱ្យ "Leverkusen " នៅក្នុងរដូវកាលនេះដោយលេងក្នុងលីកចំនួន 21 ប្រកួតស៊ុតចូល 9 គ្រាប់ រហូតត្រូវាបានអញ្ជើញឱ្យទៅលេងនៅក្រុមជម្រើសជាតិអាល្លឺម៉ង់ឈុតធំក្នុងការប្រកួតជាមួយប្រទេសប៉ូឡូញកាលពីខែតុលាមុននេះផងដែរ។
បន្ទាប់ពីចុះកិច្ចសន្យា BellaArabi បានបញ្ចេញមតិឱ្យដឹងថា «ខ្ញុំបានអភិវឌ្ឍខ្លួនប្រសើរឡើងយ៉ាងច្រើនក្នុងរដូវលកាលនេះ ជាពិសេសនៅក្រោមការដឹកនាំរបស់លោក Roger Schmidt និង ទំរង់លេងរបស់គាត់បានធ្វើឱ្យខ្ញុំលេងបានល្អប្រសើរជាងមុន»។
Post a Comment