បើតាមសម្តីរបស់គ្រូបង្វឹក Louis van Gaal បានឲ្យដឹងថា កីឡាករ Darren Fletcherជិតបញ្ចប់ការផ្ទេរចេញពីក្លិបបិសាចក្រហម Man Utdទៅកាន់ក្លិប West Ham។
គួរឲ្យដឹងថា កីឡាករសញ្ជាតិស្កុតលែនម្នាក់នេះ លេងបានតែ៤ប្រកួតប៉ុណ្ណោះ នៅការប្រកួត Premier League សម្រាប់រដូវកាល២០១៤-១៥ ហើយអ្នកចាត់ការ Sam Allardyce របស់ក្លិប West Ham ចង់បានសេវាកម្មលេងរបស់ខ្សែបម្រើម្នាក់នេះ។
កីឡាករ Fletcher កំពុងនៅក្លិប West Ham ខណៈដែលគាត់កំពុងតាមរកបាល់ទាត់ទៀងទាត់ ហើយលោក Van Gaal អះអាងថា លោកមានទុក្ខក្រៀមក្រំណាស់ នៅពេលដែលមើលឃើញកីឡាករវ័យ៣០ឆ្នាំម្នាក់នេះ ទៅទាំងបែបនេះ។
លោកVan Gaal បាននិយាយប្រាប់ក្រុមអ្នកកាសែតថា គាត់កំពុងនៅក្លិប West Ham ដូច្នេះហើយនៅរង់ចាំមើលសិន។
លោកបានបន្តទៀតថា គាត់គឺជាប្រធានក្រុមទី៣របស់លោក ដូច្នេះហើយគាត់គឺជាមនុស្សសំខាន់ម្នាក់។ លោកចូលចិត្តគាត់ ពីព្រោះថា គាត់គឺជាមនុស្សល្អ ហើយយើងទាំងអស់គ្នាប្រាកដជានឹកនាដល់លោកជាក់ជាពុំខានឡើយ។ គាត់លេងមិនបានច្រើននោះទេ ក្នុងរដូវកាលនេះ ដូច្នេះហើយរាល់គ្រប់កីឡាករទាំងអស់តែងតែសម្លឹងរកមើលផ្លូវដើរសម្រាប់ខ្លួនឯងបែបហ្នឹង៕
Post a Comment