ក្រុមម្ចាស់ផ្ទះអូស្ត្រាលី បានយកឈ្នះក្រុមកូរ៉េខាងត្បូងនៅម៉ោងបន្ថែម ដើម្បីគ្រងតំណែងជើងឯក ក្នុងវគ្គផ្ដាច់ព្រ័ត្រការប្រកួតបាល់ទាត់ដណ្ដើមពានរង្វាន់ទ្វីបអាស៊ី ឬ AFC Asian Cup កាលពីល្ងាចម្សិលមិញ។ ការប្រកួតនេះធ្វើឡើងនៅកីឡដ្ឋានជាតិអូស្ត្រាលី ក្នុងក្រុងស៊ីដនី ដែលមានអ្នកចូលរួមគាំទ្ររហូតដល់ទៅជាង ៧៦០០០នាក់។
ក្នុងនាមជាក្រុមម្ចាស់ផ្ទះ អូស្ត្រាលីបានបើកការនាំមុខមុននៅចុងតង់ទីមួយ នាទីទី ៤៥ រកគ្រាប់បាល់បានដោយខ្សែបម្រើវ័យ ២២ឆ្នាំ Massimo Luongo។ ចូលដល់តង់ទីពីរ ការវាយសម្រុកគ្នាចុះឡើងយ៉ាងយូរ នៅតែពុំអាចរកគ្រាប់បាល់បន្ថែមបាន ដែលធ្វើឲ្យអូស្ត្រាលីសង្ឃឹមលើកពាន ៩០ភាគរយទៅហើយ។
យ៉ាងណាក៏ដោយ ក្ដីសង្ឃឹមនេះបានបង្អាក់ទៅវិញ ក្រោយខ្សែប្រយុទ្ធដែលកំពុងលេងឲ្យក្រុម Bayer 04 Leverkusen ក្នុងក្របខ័ណ្ឌកំពូលរបស់អាល្លឺម៉ង់ កីឡាករ Heung-Min Son ស៊ុតបញ្ចូលទីចុងតង់ទីពីរនៅនាទីទី ៩០ បូក ១ ធ្វើឲ្យលទ្ធផលបញ្ចប់ទៅ ១-១។ចូលដល់ម៉ោងបន្ថែមនាទីទី ១០៥ បូក ១ កីឡាករ James Troisi រកគ្រាប់បាល់ឲ្យអូស្ត្រាលីបានមួយគ្រាប់ទៀត ដែលជាគ្រាប់ចុងក្រោយសម្រាប់ការប្រកួត យកឈ្នះកូរ៉េខាងត្បូង ២-១ ធ្វើឲ្យក្រុមអូស្ត្រាលីក្លាយជាម្ចាស់ជើងឯកពានរង្វាន់ទ្វីបអាស៊ី AFC Asian Cup ជាលើកដំបូងក្នុងប្រវត្តិសាស្ត្រ។
Post a Comment