"បីសាចក្រហមខ្មៅ" AC Milan បានទម្រង់លេងកាន់តែល្អប្រសើរជាងមុននៅពេលដែលបើកទ្វារ San Siro ទទួលភ្ញៀវ Cesena 2-0 ខណះ "ចចកព្រៃ" Roma នៅតែមានទម្រង់លេងធ្លាក់ចុះដដែលពេលដែលបុកទៅស្មើរ Verona 1-1 តាមពិន្ទុពីក្រោយក្រុម Juventus 9 ពិន្ទុនៅក្នុងក្របខ័ណ្ឌ Serie A របស់អ៊ីតាលីកាលពី ថ្ងៃអាទិត្យទី 22 ខែកុម្ភៈកន្លងមកនេះ។
ចាប់ផ្តើមតង់ទីមួយបានតែពីរនាទីក្រុម AC Milan ស្ទើរតែនាំមុខមុនពេលដែល Giacomo Bonaventura ស៊ុតពីចម្ងាយតែលោក Nicola Leali ចាប់បាល់មិនជាប់ ខ្ទាតមកដល់ Andrea Poli តែតចូលបន្ថែមប៉ុន្តែអាជ្ញាកណ្ដាលលើទង់ថាជាបាល់ពិន័យ។
មកដល់នាទី 23 ក្រុម AC Milan បាននាំមុខ 1-0 ទៅជាមួយ Jeremy Menez បញ្ជូនបាល់ត្រឡប់មកក្រោយ អោយ Giacomo Bonaventura ចាប់មួយចង្វាក់ ហើយ ស៊ុតពីចម្ងាយទៅបង្គោលទីពីរចូលយ៉ាងល្អឥតខ្ចោះ។ចប់តង់ទីមួយAC Milan 1-0 Cesena
ចូលមកតង់ទីពីរនាទី 53 AC Milan ស្ទើរតែរកបាល់មួយគ្រាប់ទៀត Jeremy Menez អូសបាល់ទៅខាងឆ្វេងរួចបញ្ជូន បាល់ទៅកណ្តាលអោយ Giacomo Bonaventura បានស៊ុត មួយជើងខាងស្ដាំតែបាល់ទៅបុកសសរបង្គោលទីពេញៗ។
ចុងបញ្ចប់នៃការប្រកួតកីឡាករ Giampaolo Pazzini បានស៊ុតបាល់ពិន័យ Penalty អោយក្រុម AC Milan ផ្តួលក្រុម Cesena 2-0 ។
ចប់តង់ទីពីរលទ្ធផលជាផ្លូវការ AC Milan 2-0 Cesena
ចំណែក Roma វិញមកបានគ្រាប់បាល់នាំមុខមុន1-0 នាទី 26 ពេលដែល Francesco Totti បានស៊ុតបាល់ពីចម្ងាយប្រហែល 25 ម៉ែត្រពីជើងខាងស្ដាំចូល បង្គោលទីយ៉ាង ស្អាតឥតខ្ចោះ។
ទោះជាយ៉ាងណាម្ចាស់ក៌តាមយកស្មើបានសំរេចក្នុងនាទី 38 នៅពេលដែល Emil Hallfredsson ទាត់បាល់ជ្រុងហើយ Bosko Jankovic ហក់តែតហើយបាល់ ទៅត្រូវ Seydou Keita ប្តូរទិសដៅចូលអោយ Verona 1-1។
ចប់តង់លទ្ធផលជាផ្លូវការ Verona 1-1 Roma
Post a Comment