អ្នកចាំទី Petr Cech វ័យ៣២ឆ្នាំ របស់ក្លឹប Chelsea នឹងចាកចេញពីក្លឹបនេះនៅរដូវកាលនេះ ហើយត្រូវបានទាក់ទងផ្ទេរទៅកាន់ក្លឹបស្ថិតក្នុងទីក្រុងឡុងដ៍តែមួយ Arsenal។
ក្លឹប Liverpool ចង់ទិញខ្សែបម្រើអន្តរជាតិអង់គ្លេស James Milner របស់ក្លឹប Manchester City។ កិច្ចសន្យារបស់កីឡាករវ័យ២៩ឆ្នាំរូបនេះនឹងបញ្ចប់នៅចុងរដូវកាលនេះ។ កាសែត The Times។កាសែត Daily Telegraph។
ក្លឹប Manchester បានដាក់សំណើមួយដើម្បីទិញខ្សែការពារកណ្តាលអន្តរជាតិអាល្លឺម៉ង់ Mats Hummels ប៉ុន្តែ ក្លឹប Borussia Dortmund បានបញ្ជាក់ថា កីឡាករវ័យ២៦ឆ្នាំរូបនេះមិនមែនសម្រាប់លក់ឡើយ។ កាសែត Daily Express។
ក្លឹប Chelsea កំពុងតែត្រៀមចំណាយប្រាក់២០០លានផោន (ស្មើនឹង៣០២,៤៦លានដុល្លារអាមេរិក) ដើម្បីចុះហត្ថលេខាជាមួយនឹងខ្សែប្រយុទ្ធ Lionel Messi វ័យ២៧ឆ្នាំ របស់ក្លឹប Barcelona។ កាសែត Daily Star។
ខ្សែបម្រើស្លាបអន្តរជាតិអង់គ្លេស Andros Townsend វ័យ២៣ឆ្នាំ បានបញ្ជាក់ថា អនាគតដ៏យូរអង្វែងរបស់គេគឺនៅក្លឹប Tottenham បើទោះបីមានការទាក់ទងឲ្យផ្ទេរចេញកីឡដ្ឋាន White Hart Lane ក៏ដោយ។ កាសែត London Evening Standard។
ក្លឹប Arsenal បានដាក់សំណើដេញថ្លៃ៥លានផោនដើម្បីផ្ទេរខ្សែបម្រើ Marcelo Brozovic របស់ក្លឹប Dinamo Zagreb ប៉ុន្តែ ត្រូវបានគេច្រានចោល។ ក្លឹប Everton, Liverpool, Tottenham, AC Milan និង Valencia ក៏ចង់ចុះហត្ថលេខាជាមួយនឹងខ្សែបម្រើវ័យ២២ឆ្នាំរូបនេះផងដែរ។ កាសែត Daily Star។
ខ្សែប្រយុទ្ធ Rickie Lambert វ័យ៣២ឆ្នាំ របស់ក្លឹប Liverpool បានក្លាយជាគោលដៅចម្បងសម្រាប់លោក Alan Pardew អ្នកចាត់ការទូទៅថ្មីរបស់ក្លឹប Crystal Palace។កាសែត The Guardian។
ក្លឹប Aston Villa បានបើកកិច្ចពិភាក្សាជាមួយនឹងក្លឹប Manchester City អំពីការចុះហត្ថលេខាជាមួយនឹងខ្សែបម្រើស្លាប Scott Sinclair វ័យ២៥ឆ្នាំ។ កាសែត (Sky Sports។ ក្លឹបរបស់ក្រិក Olympiakos បានព្យាយាមចុះហត្ថលេខាជាមួយនឹងខ្សែប្រយុទ្ធ Mario Balotelli វ័យ២៤ របស់ក្លឹប Liverpool ក្នងលក្ខខណ្ឌខ្ចីជើងរហូតចុងរដូវកាលនេះ។ កាសែត Daily Express។
ខ្សែបម្រើ Suso វ័យ២១ឆ្នាំ របស់ក្លឹប Liverpool នឹងត្រូវចូលរួមជាមួយនឹងក្លឹប AC Milan ក្នុងកិច្ចសន្យារយៈពេល៤ឆ្នាំ ខណៈដែលការផ្ទេរនេះ អាចនឹងត្រូវបំពេញនៅខែមករា ឬនាពេលរដូវក្តៅ។ កាសែត Talksport។
ក្លឹប Manchester United នឹងត្រូវបាត់បង់ខ្សែបម្រើអន្តរជាតិន័រវែសដ៏ឆ្នើម Martin Odegaard វ័យ១៦ឆ្នាំ ដែលអាចនឹងចូលរួមជាមួយនឹងក្លឹប Real Madrid។ កាសែត Manchester Evening News៕
Post a Comment