យោងតាមប្រភពព័ត៌មាន បានឲ្យដឹងថា អ្នកចាំទី សញ្ជាតិអេស្ប៉ាញ David De Gea របស់ក្រុម បិសាចក្រហម Manchester United បានយកព្រម នឹងការផ្ទេរទៅកាន់ ក្រុមបាល់ទាត់ អេស្ប៉ាញ Real Madrid។
ប្រភពដដែល បានឲ្យដឹងទៀតថា អ្នកចាំទី David De Gea យល់ព្រម ចាកចេញពី ក្រុមបាល់ទាត់ Manchester United ទៅកាន់ ក្រុមបាល់ទាត់ Real Madrid ក្រោយបញ្ចប់ រដូវកាលនេះ ខណៈក្រុមបាល់ទាត់ របស់ប្រទេសអង់គ្លេស Manchester United ពិតជាចង់ទុក អ្នកចាំទីរូបនេះ ឲ្យនៅលេងបន្ត ក្នុងក្រុមរបស់ខ្លួន ទៀតណាស់។
យ៉ាងណាមិញ ព័ត៌មានមួយនេះ បានលេចចេញមក ប៉ុន្មានម៉ោងប៉ុណ្ណោះ ក្រោយពេលដែល ទំព័រព័ត៌មានកីឡា របស់ប្រទេសអេស្ប៉ាញ Marca បានចុះផ្សាយថា អ្នកចាំទី សញ្ជាតិអេស្ប៉ាញ David De Gea នៅតែរង់ចាំ ក្រុមបិសាចក្រហម Manchester United ផ្តល់ជូន កិច្ចព្រមព្រៀងថ្មី ដើម្បីឲ្យគាត់ បានលេងបន្ត នៅក្នុងក្រុមនេះទៀត។
គួរបញ្ជាក់ផងដែរថា នៅក្នុងការផ្ទេរ អ្នកចាំទីរូបនេះ ក្រុមបិសាចក្រហម Manchester United របស់ប្រទេសអង់គ្លេស ចង់បានតម្លៃ ៥០លានផោន ឬជាង ៧៥លានដុល្លារ ដែលវាជាតម្លៃ ដ៏ខ្ពស់មួយ សម្រាប់អ្នកចាំទី សញ្ជាតិអេស្ប៉ាញ រូបនេះ៕
Post a Comment