Arsenal ត្រៀមទម្លាក់ក្រុម Middlesbrough ក្នុងជុំទី៥ នៃពាន FA Cup

ក្រុមការពារតំណែងជើងឯក កាំភ្លើងធំ Arsenal រំពឹងថាអាចមាន សមត្ថភាព ទម្លាក់ក្រុម ដែលកំពុងលេងនៅ ក្របខណ្ឌ Championships, Middlesbrough ក្នុងជុំទី៥ នៃពានរង្វាន់ លំដាប់ទី២ អង់គ្លេស FA Cup បើទោះបីជាបាន ឆ្លងផុតជុំទី៤ ទាំងត្រដាបត្រដួស ក៏ដោយ ។

គ្រូបង្វឹក Arsene Wenger ហាក់ពង្រឹងក្រុមបានល្អ នៅក្រោយពេលបាន ប្រកួតឈ្នះម្ចាស់ផ្ទះ Man City ២-០ នៅ Premier League និងបានទម្លាក់ ក្រុមម្ចាស់ផ្ទះ Bridgeton ៣-២ ក្នុងជុំទី៤ មុនឆ្លងចូលជុំទី៥ បន្តដោយត្រូវ ចាប់ឆ្នោត ប៉ះ Middlesbrough ផងដែរដែលនឹងចាប់ផ្តើម នៃការប្រកួតផ្លូវការ នាថ្ងៃទី១៤-១៥ ខែកុម្ភៈ ឆ្នាំ២០១៥ ខាងមុខតែ១ ជើងប៉ុណ្ណោះចាញ់ គឺធ្លាក់តែម្តង ក្នុងវគ្គ ១៦ក្រុមចុងក្រោយនេះ ។

ជាមួយគ្នានោះដែរក្រុម ដែលកំពុងលេងនៅ League One, Bradford City ដែលបានទម្លាក់ Chelsea ក្នុងជុំទី៤នោះ ក៏ត្រូវបានចាប់ឆ្នោត ត្រៀមប៉ះក្រុម Sunderland ឬក៏ Fulham នោះទេចំពោះក្រុមឈ្នះ ក្រោយពេលជើងទី ១ក្រុមទាំង ពីរលេងបានស្មើ ០-០ ក្នុងខណៈដែលក្រុមឈ្នះ Cambridge United ឬក៏ Manchester United និងត្រូវត្រៀមខ្លួន ជួបក្រុម Preston ឬក៏ក្រុម Sheffield United បន្ទាប់ពីពួកគេបញ្ចប់ជើងទី២ ដូចគ្នាដែលនឹងធ្វើឡើង នាថ្ងៃទី០៤-០៥ ខែកុម្ភៈ ឆ្នាំ២០១៥ ខាងមុខ ។
 
ខាងក្រោមនេះ ជាគូប្រកួត ផ្សេងទៀត ក្នុងជុំទី៥ នៃវគ្គ ១៦ក្រុមចុងក្រោយ៖ 


១. Crystal Palace V Liverpool/Bolton Wanderers.

២. Aston Villa V Leicester City.

៣. Bradford City V Sunderland/Fulham.

៤. Derby County V Reading.

៥. Arsenal V Middlesbrough.

៦. West Brom V West Ham.

៧. Blackburn NE/Sheffield Utd V Cambridge Utd/Man Utd.

៨. Blackburn V Stoke City ៕