ក្រុម AC Milan បានចុះកិច្ចសន្យានាំយកខ្សែប្រយុទ្ធជម្រើសជាតិអ៊ីតាលី Mattia Destro ពីក្រុមគូប្រជែង AS Roma ក្នុងក្របខ័ណ្ឌSerie A ជាមួយគ្នា។
ក្លិបដែលមានមូលដ្ឋាននៅក្នុងទីក្រុង Milan មិនទាន់បង្ហាញព័ត៌មានលម្អិតនៅឡើយទេ ប៉ុន្តែបើតាមសេចក្ដីរាយការណ៍មួយរបស់ Reuters បានឲ្យដឹងថាក្លិបមួយនេះនឹងចុះកិច្ចសន្យាលក្ខណៈខ្ចីជើងសិន មុនទិញដាច់នៅក្រោយចប់រដូវកាល។អតីតខ្សែប្រយុទ្ធក្រុម Genoa និងក្រុម Siena រូបនេះ ស៊ុតបាន៥គ្រាប់ហើយ ក្នុងការបង្ហាញខ្លួនត្រឹមតែ៨ប្រកួតប៉ុណ្ណោះ ឲ្យក្រុមលេខ២ក្នុងតារាង Roma នៅក្នុងរដូវកាលនេះ។ Destro គឺជាបេក្ខភាពមួយរូប ដែលនឹងត្រូវទៅលេង World Cup ឆ្នាំ២០១៤ នៅប្រេស៊ីលដែរ ប៉ុន្តែកីឡាកររូបនេះ បែរជាធ្លាក់ក្នុងជម្រើស២៣នាក់ចុងក្រោយ សម្រាប់ក្រុមជម្រើសជាតិអ៊ីតាលីទៅវិញ។
AC Milan បានប្រកាសនៅលើគេហទំព័រផ្លូវការរបស់ក្លិបថា កីឡាករ Destro បានមកដល់ទីក្រុង Milan ហើយ សម្រាប់ការធ្វើតេស្តសុខភាព៕
Post a Comment