ក្លិប West Bromwich Albion បានចុះហត្ថលេខាជាមួយនឹងខ្សែការពារ James Chester របស់ក្លិប Hull City ក្នុងតម្លៃខ្លួន៨លានផោន (ស្មើនឹង១២,៥លាន ដុល្លារអាមេរិក)។
កីឡាករ Chester វ័យ២៦ឆ្នាំ បានចុះហត្ថលេខារយៈពេល៤ឆ្នាំជាមួយនឹងក្លិបនៅកីឡដ្ឋាន The Hawthorns មួយនេះ។ ខ្សែការពារអន្តរជាតិវេលស៍រូបនេះបានលេងការប្រកួតលីកចំនួន១៥៦លើកសម្រាប់ក្លិប Hull ដែលត្រូវបានកាត់ចេញពីក្របខ័ណ្ឌ Premier League កាលពីឧសភា។ លោក Tony Pulis គ្រូបង្វឹករបស់ West Brom បានឲ្យដឹងថា៖ «James លេងបានយ៉ាងល្អសម្រាប់ក្លិប Hull City។ ខ្ញុំមានការពិភាក្សាដ៏ល្អមួយជាមួយនឹងរូបគេ ហើយរូបគេជាប្រភេទកីឡាករដែលខ្ញុំចូលចិត្ត»។
ក្លិប Leicester City ដែលលេងក្នុងក្របខ័ណ្ឌ Premier League ជាមួយនឹងក្លិប West Brom ក៏បានចាប់អារម្មណ៍ផងដែរទៅលើ Chester ដែលបានចាប់ផ្តើមអាជីពរបស់គេនៅឯក្លិប Manchester United តាមរយៈការបង្ហាញខ្លួនត្រឹមតែ១លើកគត់។
រូបគេបានចូលរួមជាមួយនឹង Hull កាលពីឆ្នាំ២០១១ ក្រោយពីចំណាយពេលខ្ចីជើងនៅឯក្លិប Peterborough, Plymouth និង Carlisle។ នៅពេលមុននេះ លោក Steve Bruce អ្នកចាត់ការទូទៅរបស់ Hull បានប្រាប់វិទ្យុ BBC Radio Humberside ថា៖ «យើងបានពិភាក្សាពេញមួយរដូវក្តៅថា វាមិនអាចជឿសរួចនោះឡើយដែលយើងនឹងបាត់បង់កីឡាករពីរ ទៅបីនាក់ ពីព្រោះយើងបានធ្លាក់ចេញពីក្របខ័ណ្ឌកំពូល»។
គ្រូបង្វឹករូបនេះបានបន្ថែមទៀតថា៖ «រូបគេបានបម្រើដល់ក្លិបនេះយ៉ាងល្អឥតខ្ចោះក្នុងពេលដែលរូបគេបានលេងនៅទីនេះ ហើយតើលោកអ្នកអាចរារាំងរូបគេមិនឲ្យទទួលឱកាសក្នុងការលេងក្នុងក្របខ័ណ្ឌ Premier League យ៉ាងម៉េចទៅ? ទឹកប្រាក់ដែលយើងទទួលបានពីរូបគេ យើងនឹងបណ្តាក់ទុនសាជាថ្មីទៅលើក្រុមមួយនេះ»៕
កីឡាករ Chester វ័យ២៦ឆ្នាំ បានចុះហត្ថលេខារយៈពេល៤ឆ្នាំជាមួយនឹងក្លិបនៅកីឡដ្ឋាន The Hawthorns មួយនេះ។ ខ្សែការពារអន្តរជាតិវេលស៍រូបនេះបានលេងការប្រកួតលីកចំនួន១៥៦លើកសម្រាប់ក្លិប Hull ដែលត្រូវបានកាត់ចេញពីក្របខ័ណ្ឌ Premier League កាលពីឧសភា។ លោក Tony Pulis គ្រូបង្វឹករបស់ West Brom បានឲ្យដឹងថា៖ «James លេងបានយ៉ាងល្អសម្រាប់ក្លិប Hull City។ ខ្ញុំមានការពិភាក្សាដ៏ល្អមួយជាមួយនឹងរូបគេ ហើយរូបគេជាប្រភេទកីឡាករដែលខ្ញុំចូលចិត្ត»។
ក្លិប Leicester City ដែលលេងក្នុងក្របខ័ណ្ឌ Premier League ជាមួយនឹងក្លិប West Brom ក៏បានចាប់អារម្មណ៍ផងដែរទៅលើ Chester ដែលបានចាប់ផ្តើមអាជីពរបស់គេនៅឯក្លិប Manchester United តាមរយៈការបង្ហាញខ្លួនត្រឹមតែ១លើកគត់។
រូបគេបានចូលរួមជាមួយនឹង Hull កាលពីឆ្នាំ២០១១ ក្រោយពីចំណាយពេលខ្ចីជើងនៅឯក្លិប Peterborough, Plymouth និង Carlisle។ នៅពេលមុននេះ លោក Steve Bruce អ្នកចាត់ការទូទៅរបស់ Hull បានប្រាប់វិទ្យុ BBC Radio Humberside ថា៖ «យើងបានពិភាក្សាពេញមួយរដូវក្តៅថា វាមិនអាចជឿសរួចនោះឡើយដែលយើងនឹងបាត់បង់កីឡាករពីរ ទៅបីនាក់ ពីព្រោះយើងបានធ្លាក់ចេញពីក្របខ័ណ្ឌកំពូល»។
គ្រូបង្វឹករូបនេះបានបន្ថែមទៀតថា៖ «រូបគេបានបម្រើដល់ក្លិបនេះយ៉ាងល្អឥតខ្ចោះក្នុងពេលដែលរូបគេបានលេងនៅទីនេះ ហើយតើលោកអ្នកអាចរារាំងរូបគេមិនឲ្យទទួលឱកាសក្នុងការលេងក្នុងក្របខ័ណ្ឌ Premier League យ៉ាងម៉េចទៅ? ទឹកប្រាក់ដែលយើងទទួលបានពីរូបគេ យើងនឹងបណ្តាក់ទុនសាជាថ្មីទៅលើក្រុមមួយនេះ»៕
Post a Comment