កីឡាករ Javier Hernandez (Chicharito) បាននិយាយថារូបគេមានសង្ឃឹមយ៉ាងមុតមាំថានឹងអាចសាងអនាគតថ្មីជាមួយ Manchester United នៅរដូវកាលក្រោយ ទោះជាដឹងថាពិបាកប្រជែងយកជម្រើស១១នាក់ដំបូងក៏ដោយ ។
Chicharito បានចំណាយពេលពង្រឹងសមត្ថភាព១រដូវកាលជាមួយក្រុម Real Madrid ក្រោមលក្ខខ័ណ្ឌខ្ចីជើង បន្ទាប់ពីលោក Louis van Gaal បានដាក់ឈ្មោះកីឡាកររូបនេះក្នុងបញ្ជីលក់ចេញឬខ្ចីជើងកាលពីដើមរដូវកាលមុន ដើម្បីយកកន្លែងដាក់កីឡាករ Radamel Falcao។
មួយរដូវកាលនៅអេស្ប៉ាញ ខ្សែប្រយុទ្ធវ័យ២៧ឆ្នាំខាងលើនេះបានបង្ហាញខ្លួន៣៣ប្រកួត និងរកគ្រាប់បាល់បាន៩គ្រាប់ដែរ ប៉ុន្តែនៅតែមិនគ្រប់គ្រាន់សម្រាប់ក្រុម Real Madrid ដើម្បីទិញរូបគេដាច់តែម្ដងពី Man Utd ឡើយ ពោលគឺគ្រាន់តែចប់រដូវកាលភ្លាម ក៏ប្រកាសឱ្យត្រលប់មក Old Trafford វិញភ្លាម។
ក្រោយពីដឹងថាខ្លួននឹងត្រូវមកលេងនៅអង់គ្លេសវិញ កីឡាករវ័យ២៧ឆ្នាំរូបនេះបានបញ្ជាក់ប្រាប់អ្នកគាំទ្រថារូបគេនឹងសាងកេរ្តិ៍ឈ្មោះឡើងវិញនៅទីនេះក្រោមការដឹកនាំរបស់លោក Van Gaal។ “រដូវក្ដៅមុន គឺវាខុសគ្នាពីរដូវក្ដៅនេះ។ ពេល Van Gaal មកដល់ គាត់ត្រូវការសាងក្រុមឡើងវិញ ដោយត្រូវកាត់បន្ថយកីឡាករខ្លះ ព្រោះ Man Utd មិនបានលេងពាន Champions League ទេ។
តែរដូវកាលក្រោយវិញគឺមានការប្រកួតច្រើន ដូច្នេះក៏ត្រូវការកីឡាករច្រើនដែរដើម្បីត្រៀមការប្រកួត។ ខ្ញុំគិតថាខ្ញុំមានឱកាសច្រើនដើម្បីបង្ហាញសមត្ថភាពដើម្បីរកកៅអីនៅជម្រើសដំបូងបាន”។ Hernandez បានបញ្ជាក់បន្ថែម។
បើតាមគំនិតប្រិយមិត្តវិញ តើគិតថាកីឡាកររាងល្អិតល្បឿនលឿនរូបនេះអាចសាងកេរ្តិ៍ឈ្មោះឡើងវិញបានទេនៅ Man Utd រដូវកាលក្រោយ ឬ ក៏ត្រូវក្រុមលក់ទៅឱ្យក្រុមណាផ្សេងទៀត?
Chicharito បានចំណាយពេលពង្រឹងសមត្ថភាព១រដូវកាលជាមួយក្រុម Real Madrid ក្រោមលក្ខខ័ណ្ឌខ្ចីជើង បន្ទាប់ពីលោក Louis van Gaal បានដាក់ឈ្មោះកីឡាកររូបនេះក្នុងបញ្ជីលក់ចេញឬខ្ចីជើងកាលពីដើមរដូវកាលមុន ដើម្បីយកកន្លែងដាក់កីឡាករ Radamel Falcao។
មួយរដូវកាលនៅអេស្ប៉ាញ ខ្សែប្រយុទ្ធវ័យ២៧ឆ្នាំខាងលើនេះបានបង្ហាញខ្លួន៣៣ប្រកួត និងរកគ្រាប់បាល់បាន៩គ្រាប់ដែរ ប៉ុន្តែនៅតែមិនគ្រប់គ្រាន់សម្រាប់ក្រុម Real Madrid ដើម្បីទិញរូបគេដាច់តែម្ដងពី Man Utd ឡើយ ពោលគឺគ្រាន់តែចប់រដូវកាលភ្លាម ក៏ប្រកាសឱ្យត្រលប់មក Old Trafford វិញភ្លាម។
ក្រោយពីដឹងថាខ្លួននឹងត្រូវមកលេងនៅអង់គ្លេសវិញ កីឡាករវ័យ២៧ឆ្នាំរូបនេះបានបញ្ជាក់ប្រាប់អ្នកគាំទ្រថារូបគេនឹងសាងកេរ្តិ៍ឈ្មោះឡើងវិញនៅទីនេះក្រោមការដឹកនាំរបស់លោក Van Gaal។ “រដូវក្ដៅមុន គឺវាខុសគ្នាពីរដូវក្ដៅនេះ។ ពេល Van Gaal មកដល់ គាត់ត្រូវការសាងក្រុមឡើងវិញ ដោយត្រូវកាត់បន្ថយកីឡាករខ្លះ ព្រោះ Man Utd មិនបានលេងពាន Champions League ទេ។
តែរដូវកាលក្រោយវិញគឺមានការប្រកួតច្រើន ដូច្នេះក៏ត្រូវការកីឡាករច្រើនដែរដើម្បីត្រៀមការប្រកួត។ ខ្ញុំគិតថាខ្ញុំមានឱកាសច្រើនដើម្បីបង្ហាញសមត្ថភាពដើម្បីរកកៅអីនៅជម្រើសដំបូងបាន”។ Hernandez បានបញ្ជាក់បន្ថែម។
បើតាមគំនិតប្រិយមិត្តវិញ តើគិតថាកីឡាកររាងល្អិតល្បឿនលឿនរូបនេះអាចសាងកេរ្តិ៍ឈ្មោះឡើងវិញបានទេនៅ Man Utd រដូវកាលក្រោយ ឬ ក៏ត្រូវក្រុមលក់ទៅឱ្យក្រុមណាផ្សេងទៀត?
Post a Comment