លោក Pep Guardiolaមិនដែលពេញចិត្តម្តងណាឡើយនឹងលទ្ធផលក្រុមរបស់គាត់ ជាក់ស្ដែងដូចជានៅថ្ងៃនេះ គ្រូបង្វឹកសញ្ជាតិអេស្ប៉ាញម្នាក់នេះ បានទាមទារឲ្យលេងល្អប្រសើរជាងនេះនៅខ្សែប្រយុទ្ធរបស់ក្រុម Bayern Munichថ្វីត្បិតតែពួកគេរកបាន៦គ្រាប់ជាមធ្យមអំឡុង១ប្រកួតពីជ័យជំនះនៅ៣ប្រកួតចុងក្រោយគេរបស់ខ្លួនក៏ដោយ។
ក្រុមកំពូលតារាង Bundesligaមួយនេះ សម្រេចបានជោគជ័យទាំង៣ប្រកួតជាមួយនឹងលទ្ធផលគួរឲ្យចាប់អារម្មណ៍៤-០ ៦-១ និង៨-០ ប៉ុន្តែបន្ទាប់ពីយកឈ្នះក្រុម Eintracht Braunschweig២-០ នៅការប្រកួត Cup លោក Pep Guardiola បានទទូចសុំឲ្យកីឡាកររបស់គាត់ ពង្រឹងសមត្ថភាពលេងរបស់ពួកគេបន្ថែមទៀត។
លោកបាននិយាយប្រាប់អ្នកសារព័ត៌មានថា យើងដាច់ខាតត្រូវតែលេងឲ្យបានខ្លាំងក្លាជាងនេះថែមមួយកម្រិតទៀត នៅខ្សែការពារ យើងធ្វើបានហើយ ប៉ុន្តែសម្រាប់ខ្សែប្រយុទ្ធវិញនៅទន់ជ្រាយបន្តិច។
លោកបានបន្តទៀតថា ជាការពិតណាស់ថា ថ្មីៗនេះ យើងលេងបានល្អខ្លាំងណាស់ យើងមានឱកាសរកបានគ្រាប់បាល់ច្រើន ប៉ុន្តែបាល់ទាត់វាមិនបញ្ចប់ត្រឹមហ្នឹងនោះទេ ពីព្រោះថា មានក្រុមជាច្រើនទៀតដែលកំពុងលេងល្អជាងយើង។ ដូច្នេះហើយ ជំហានបន្ទាប់យើងត្រូវដើរ គឺធ្វើយ៉ាងណាលេងឲ្យល្អបំផុតនៅខ្សែប្រយុទ្ធ ដើម្បីអាចមានឱកាសរកគ្រាប់ច្រើនបន្ថែមទៀត។
សូមបញ្ជាក់ថា បច្ចុប្បន្ន ក្រុម Bayern Munichមាន៨ពិន្ទុនាំមុខគេដាច់ ឈរនៅលើកំពូលតារាងបាល់ទាត់ក្នុងស្រុក ហើយនឹងត្រូវជួបជាមួយក្រុម Shakhtar Donetskនៅការប្រកួត Champions League នាថ្ងៃទី១១ ខែមីនាខាងមុខនេះ៕
ក្រុមកំពូលតារាង Bundesligaមួយនេះ សម្រេចបានជោគជ័យទាំង៣ប្រកួតជាមួយនឹងលទ្ធផលគួរឲ្យចាប់អារម្មណ៍៤-០ ៦-១ និង៨-០ ប៉ុន្តែបន្ទាប់ពីយកឈ្នះក្រុម Eintracht Braunschweig២-០ នៅការប្រកួត Cup លោក Pep Guardiola បានទទូចសុំឲ្យកីឡាកររបស់គាត់ ពង្រឹងសមត្ថភាពលេងរបស់ពួកគេបន្ថែមទៀត។
លោកបាននិយាយប្រាប់អ្នកសារព័ត៌មានថា យើងដាច់ខាតត្រូវតែលេងឲ្យបានខ្លាំងក្លាជាងនេះថែមមួយកម្រិតទៀត នៅខ្សែការពារ យើងធ្វើបានហើយ ប៉ុន្តែសម្រាប់ខ្សែប្រយុទ្ធវិញនៅទន់ជ្រាយបន្តិច។
លោកបានបន្តទៀតថា ជាការពិតណាស់ថា ថ្មីៗនេះ យើងលេងបានល្អខ្លាំងណាស់ យើងមានឱកាសរកបានគ្រាប់បាល់ច្រើន ប៉ុន្តែបាល់ទាត់វាមិនបញ្ចប់ត្រឹមហ្នឹងនោះទេ ពីព្រោះថា មានក្រុមជាច្រើនទៀតដែលកំពុងលេងល្អជាងយើង។ ដូច្នេះហើយ ជំហានបន្ទាប់យើងត្រូវដើរ គឺធ្វើយ៉ាងណាលេងឲ្យល្អបំផុតនៅខ្សែប្រយុទ្ធ ដើម្បីអាចមានឱកាសរកគ្រាប់ច្រើនបន្ថែមទៀត។
Post a Comment