កីឡាករវាយកូនគោល Tiger Woods បានដកខ្លួនចេញពីការប្រកួតពីកម្មវិធីមួយទៀតហើយ គឺពានរង្វាន់ Farmers Open បន្ទាប់ពីរបួសខ្នងរបស់លោករើឡើងវិញ។
Woods ដែលខកខានចូលលេងក្នុងពានរង្វាន់ធំៗដូចជា Masters និង US Open កាលពីឆ្នាំមុន ដោយសារបញ្ហារបួសខ្នងនោះ ពេលនេះទើបតែបានចូលលេងពានរង្វាន់ Farmers Open និងវាយបានត្រឹម១១រន្ធប៉ុណ្ណោះ ក៏ត្រូវអវត្តមានទៀត ដោយសាររបួសខ្នងនោះនៅតែមានការឈឺចាប់ដដែល។ បុរសវ័យ៣៩ឆ្នាំរូបនេះ មាននិយាយពីរឿងនេះដែរថា៖ “ពេលសម្រាក ខ្ញុំមិនបានហ្វឹកហាត់អ្វីធ្ងន់ធ្ងរនោះទេ ហើយពេលត្រលប់ចូលលេងវិញក៏កើតរឿងនេះតែម្ដង។ ខ្ញុំពិតជាសោកស្ដាយខ្លាំងណាស់ ព្រោះនេះជាអាជីពដែលខ្ញុំពេញចិត្តបំផុត”។
Woods ជាកំពូលអ្នកវាយកូនគោលលេខមួយលើលោកនេះ ដែលធ្លាប់បានឈ្នះពានធំៗរហូតដល់ទៅ១៤ដងឯណោះ។ ប៉ុន្តែដោយសារមានរបួសខ្នងនេះ តាំងពីឆ្នាំ២០១៤មក រូបលោកខកខានពានរង្វាន់ធំៗជាច្រើន។
Post a Comment