អ្នកប្រដាល់គឿម សុវណ្ណឌឿតក្លឹបមោងឬស្សីមរតកគុនខ្មែរប្រកាសឡើងសង្វៀញន CTN ខេត្តសៀមរាបប្រកួតជាមួយជើងខ្លាំងអាំង សំអាតក្លឹបតាព្រហ្មមានជ័យនៅថ្ងៃទី២៨មករានេះ ។
សុវណ្ណឌឿតក៏ជាអ្នកខ្លាំងមួយរូបដែរតែមិនដល់សំអាតឡើយតែលើកនេះគេប្រកាសថាសុំប្រកួតជាមួយសំអាតដើម្បីបញ្ជាក់ថាទោះបីសំអាតខ្លាំងក៏គេមិនញញើតដែរ ។ គេនឹងវ៉ៃឲ្យអស្ចារ្យហើយបើគេចាញ់ក៏គេត្រុវតែធ្វើឲ្យសំអាតវេទនាដែរ ។
សំអាតក៏ទទួលស្គាល់ដែរថាសុវណ្ណឌឿតមិនអន់ទេ ។ នេះជាគូប្រកួតដែលគេមិនអាចមើលស្រាលបានឡើយតែបើមានឱកាសគេនឹងព្យាយាមបញ្ចប់ការប្រកួតនេះឲ្យបានរហ័សតាមតែអាចធ្វើទៅបាន គេក៏បានចាត់ទុកដែរថាសុវណ្ណឌឿតជាគូប្រកួតដែលមិនស្រួលផ្ដួលនោះទេ ។
ការជួបគ្នាដំបូងនេះទោះបីនរណាៗគ៏មានជំនឿចិត្តថាអាំង សំអាតនឹងឈ្នះក៏ដោយក៏គេមិនអាចមើលស្រាលគឿម សុវណ្ណឌឿតបានដែរ ។
វៀត ប៊ុនឌឿន សមាគមក្រសួងការពារជាតិប្រកួតជាមួយអ្នកប្រដាល់សេក គឹមរូននៃក្លឹបសឹករងខេត្តសៀមរាបដោយពួកគេប្រកួតគ្នាក្នុងប្រភេទទម្ងន់៦០គីឡូក្រាម ។
សម្រាប់គូនេះទោះបីគឹមរូនគេទទួលស្គាល់ថាមិនអន់ក៏ពិតមែនតែប្រហែលជាទៅមិនរួចជាមួយវៀត ប៊ុនឌឿននោះឡើយ ។
Post a Comment