ពាក្យចចាមអារាមពីសំណាក់ក្រុម AC Milan ចាប់អារម្មណ៍ទិញលោកThiago Motta ខ្សែបម្រើអ៊ីតាលីរបស់ក្លិប Paris Saint - Germain
មកចូលរួមក្នុងក្រុមបន្ទាប់ពីព័ត៌មានបានផុសឡើងថាបច្ចុប្បន្នគាត់មិនសប្បាយរីករាយហើយនឹងចង់ផ្ទេរចេញពីក្រុមរបស់គាត់ដែលបានធ្វើអោយ
ទីផ្សារបាល់ទាត់អ៊ីតាលីបានចុះឈ្មោះរបស់គាត់នៅលើបញ្ជីកីឡាករដែលគួរអោយចាប់អារម្មណ៍ជាងគេសម្រាប់រដូវរងារនេះផងដែរ។
ប្រព័ន្ធផ្សព្វផ្សាយកីឡាក្នុងប្រទេសអ៊ីតាលីបានរាយការណ៍ថាក្រុមការងាររបស់ក្រុម AC Milan នៅក្នុងក្របខណ្ឌ័Italy Serie A បានចាប់អារម្មណ៍
ចង់ទិញកីឡាករ Thiago Motta របស់ក្រុម Paris Saint - Germain ក្នុងក្របខ័ណ្ឌ Ligue ប្រទេសបារាំងអោយបាននៅក្នុងខែមករាខាងមុខនេះ
ដើម្បីពង្រឹងក្លិប។
"បិសាចក្រហម - ខ្មៅ"គ្រូបង្វឹកលោក filippo inzaghi គាត់កំពុងតែស្វែងរកខ្សែបម្រើដើម្បីពង្រឹងក្រុមដោយមានពត៏មានទាក់ទងទៅនឹង John Obi Mikel
របស់ក្រុមតោខៀវ Chelseaក្នុងក្របខណ្ឌ័ Premier League និងខ្សែប្រយុទ្ធ Mario Suarez របស់ក្លិប Atletico Madridម្ចាស់ពានរង្វាន់ក្របខ័ណ្ឌ
La Liga របស់អេស្ប៉ាញតែទោះជាយ៉ាងណាក៏ដោយ Motta បានត្រៀមខ្លួនជាស្រេចដើម្បីផ្លាស់ផ្ទេរទៅក្រុម AC Milan ព្រោះអតីតខ្សែបំរើរបស់ក្លិប Inter Milanរូបនេះជាគោលដៅសំខាន់របស់ពួកគេផងដែរ។
ខ្សែបម្រើ "Italy" មានព័ត៌មានថាគាត់មិនសប្បាយចិត្តជាមួយនឹងស្ថានភាពផ្ទាល់ខ្លួននៅ Parc Des Princeហើយគាត់ក៏បានជូនដំណឹងដល់អ្នកគ្រប់គ្រងរបស់ក្លិបចង់ផ្លាស់ចេញខណៈពេលដែលក្រុម AC Milan នឹងឆក់យកឱកាសនេះដើម្បីទាញ Motta អោយត្រឡប់មកលេងនៅក្នុងប្រទេសអ៊ីតាលីជាថ្មីម្តងទៀតបើទោះបីជាផ្លាស់ប្តូរមកលេងជាមួយនឹងក្រុមដែលជាគូប្រឆាំងនិងInterក្លិបចាស់របស់គាត់ក៏ដោយ។
Post a Comment