ក្រុមជើងឯកអ៊ីតាលីសេះបង្កង់ Juventus នឹងត្រូវ បើកទ្វារកីឡដ្ឋានខ្លួន Torino ដើម្បីស្វាគមន៍ក្រុមភ្ញៀវមកពី អាល្លឺម៉ង់ Borussia Dortmund នាម៉ោង ២:៤៥ នាទីរំលងអធ្រាត្រយប់នេះ (ម៉ោងនៅកម្ពុជា) ក្នុងជើងទី១នៃវគ្គ១៦ ក្រុមចុងក្រោយនៃ UEFA Champoins League ។
ជើងកីឡាករ៖
កីឡាករខ្សែបម្រើប្រយុទ្ធ ជនជាតិឈីលី Arturo Vidal អាចនឹងចូលលេងវិញបានហើយ បន្ទាប់ពីសះស្បើយពីរបួស ហើមពេលប្រកួតបានស្មើលទ្ធផល ២-២ ទល់នឹងក្រុមពពកស Napoli នៅ Serie A កាលពីសប្តាហ៍មុនខណៈដែល មិត្តរួមក្រុមខ្សែប្រយុទ្ធមកពីអាហ្សង់ទីន Carlos Tevez នឹងត្រូវដឹកនាំក្រុមទាំងមូល ជាមួយនឹង Alvaro Morata ឬក៏ Fernando LIorente ដើម្បីធ្វើឲ្យប្រសើរឡើងក្នុងជើងទី១ក្នុងទឹកដីខ្លួនឯង ។
ថ្វីត្បិតតែខ្លាំងមែននៅលីកក្នុងស្រុករបស់អ៊ីតាលីមែន តែសេះបង្កង់បានហាលអាវតាំងពីវគ្គជម្រុះក្នុង ពូលមកម្ល៉េះកាលពី រដូវកាលមុន ហើយក៏ជាលើកទី១ ផងដែរគិតត្រឹមឆ្នាំ២០០៦ ក្រៅពី៨សម័យកាលផ្សេងទៀតបានឈានមកដល់វគ្គ១៦ ចុងក្រោយ ។ Juventus ជាក្រុមលេខ២ចេញពីពូល A មាន១០ពិន្ទុ ដោយបានឆ្លងកាត់៦ប្រកួតឈ្នះ៣ ស្មើ១ និងចាញ់ ២ ខណៈដែលក្រុមរងជើងឯកឆ្នាំទៅ Atletico Madrid ឈ្នះនៅលេខ១ប្រចាំពូល ។
ជើងកីឡាករ៖
ងាកទៅមើលកីឡាកររបស់ក្រុម Dortmund វិញខ្សែប្រយុទ្ធ Ciro Immobile អាចនឹងត្រូវបានដាក់ឲ្យចូលលេងដំបូង ក្នុងក្លឹបក្នុងនាមជាកីឡាករវ័យក្មេងជាងគេ ដែលត្រូវបានដឹកនាំដោយកីឡាករជើងចាស់ Marcos Reus និង Pierre-Emerick Aubameyang ក្នុងការនាំលេងទាំងមូល ។ Dortmund លេងល្អខ្លាំងនៅ Champions League តែត្រដាប ត្រដួសពេលលេងនៅក្របខណ្ឌកំពូលអាល្លឺម៉ង់ Bundesliga ដោយកំពុងតែឈរនៅ លេខរៀងទី១២ បណ្តោះអាសន្នក្នុងចំ ណោម ១៨ក្រុមរកបានតែ២៥ពិន្ទុប៉ុណ្ណោះ ទើបតែគេចចេញពីបាតតារាងក្នុងរយៈពេល៤សប្តាហ៍ចុងក្រោយនេះ។
Dortmund លេងចាញ់តែ១ប្រកួតគត់នៅ Champions ក្រៅពីស្មើ១ និងឈ្នះ៤ឈរនៅកំពូលតារាងប្រចាំពូល D ខណៈដែលគូប្រជែងកាំភ្លើងធំ Arsenal ឈរនៅលេខ២ដោយមាន១៣ស្មើគ្នា។ ក្រុមដែលកំពុងដឹកនាំដោយលោក Jurgen Klopp បានលេងឈ្នះក្រុមម្ចាស់ផ្ទះ Stutgart ៣-២ទាំងវេទនានៅ Bundesliga ស្របពេលដែល Juventus បានលេងឈ្នះក្រុម Atalanta ២-១ ទាំងព្រលឹងចុងសក់ក្នុងទឹកដី ៕
បីប្រកួតចុងក្រោយរបស់ក្រុម Juventus
21.02.15 Juventus 2-1 Atalanta
16.02.15 Cesena 2-2 Juventus
08.02.15 Juventus 3-1 AC Milan
បីប្រកួតចុងក្រោយរបស់ក្រុម Dortmund
21.02.15 VfB Stuttgart 2-3 Dortmund
14.02.15 Dortmund 4-2 Mainz
07.02.15 Freiburg 0-3 Dortmund
ជំនួបបីលើកចុងក្រោយរវាងក្រុមទាំងពីរ
29.05.97 Dortmund 3-1 Juventus
22.11.95 Juventus 1-2 Dortmund
13.09.95 Dortmund 1-3 Juventus
Post a Comment