ការប្រកួតដែលទស្សនិកជនទន្ទឹងរង់ចាំជាយូរ និងជាជំនួបដ៏ធំបំផុតក្នុង ប្រវត្តិសាស្ត្រពិភពប្រដាល់ រវាងអ្នកប្រដាល់មិនដែលចាញ់ Floyd Mayweather និងកីឡាករ Manny Pacquiao ត្រូវបានបញ្ចប់ហើយ បន្ទាប់ពីការជជែកគ្នាអស់ពេលរាប់ឆ្នាំមកហើយ។
សេចក្តីរាយការណ៍បានឲ្យដឹងថា Pacquiao បានយល់ព្រម លើកិច្ចព្រមព្រៀង ប្រកួតរបស់គាត់ ខណៈដែលកីឡាករ Mayweather ក៏យល់ព្រមចុះហត្ថលេខា លើការប្រកួតផងដែរ សម្រាប់ការប្រកួតតម្លៃ២០០ លានដុល្លារអាមេរិក។
តាមប្រភពព័ត៌មានបានឲ្យដឹងថា Mayweather នឹងប្រកាសព័ត៌មានជាផ្លូវការណ៍នៅ ទីលានបាល់បោះ Ma dison Square Garden នាថ្ងៃអាទិត្យខាងមុខនេះ។
ដោយឡែក កីឡាករ Pacquiao ក៏បានបង្ហើបឲ្យដឹងដែរថា គាត់បានចាប់ផ្តើមការហ្វឹកហាត់របស់ខ្លួន នៅទីក្រុង General Santos City ប្រទេសហ្វីលីពីន ដើម្បីត្រៀមក្នុងការប្រកួតបន្ទាប់របស់គាត់។ ចំណែកកីឡាករ Mayweather បានប្រាប់ផងដែរថា ជាការពិតណាស់ថា គាត់ចង់ឡើងសង្វៀនប្រកួតជាមួយ Pacquiao នៅថ្ងៃទី២ ខែឧសភា។
យ៉ាងណាមិញ ពួកគេបានព្រមព្រៀងយកកីឡដ្ឋាន MGM Grand ដែលស្ថិតនៅ Las Vegas ជាកន្លែងដែលកីឡាករ Mayweather ធ្លាប់ឡើងប្រកួត១០លើក ខណៈកីឡាករ Pacquiao បាន៥ ដង។
សូមបញ្ជាក់ថា ការប្រកួតដ៏ធំមួយនេះ ពិភពលោករង់ចាំជាង ៦ឆ្នាំមកហើយៗ គ្រប់យ៉ាងបានសម្រេចរួចហើយសម្រាប់ការជួបគ្នានៅថ្ងៃទី២ ខែឧសភា លើសង្វៀន MGM Grand ក្រុងឡាស់វេហ្គាស់ សហរដ្ឋអាមេរិក៕
Post a Comment